WPR Cohort: 2021
Language: Sepedi
Genre: Novelette
Ditaba di thoma ge Moilagae a nale bagwera ba gagwe ba leba lapeng la lehu. Go fihleng lapeng la lehu, o kgethwa go ba moswara marapo. Ge a tsamaiša modiro o makatšwa ke moo go nalego fao MaIndia a tlogo bolela. Morago MaIndia a tšea setopo. Gore a se eša kae ga go yo a tsebago. Dirapeng go tsoga go ngalelana ka ge setšhaba se gakantšhwa ke poloko yeo e bego e dirwa fao ya go se tlwaelege.
Buy on Kobo
Andrew Maroga o belegwe ka ngwaga wa 1978-03-16, seleteng sa Burgersfort, nageng ya Driekop, go la ga Maroga lefase. O thomile dithuto tša gagwe ka ngwaga wa 1985, sekolong se se nnyane seo se bitšwago Ntoshang, lefaseng la ga Mahlokoane. Ka ngwaga wa 1991, o ile a phetha dithuto tša gagwe tša motheo, ya ba o tshelela sekolong se se phagamego seo se bitšwago Mashupše, go la ga Phasha Mampuru, lefase. O ile a emiša dithuto tša gagwe ka morago ga go phetha mphato wa seswai, woo lehono o bitšwago grade 10, ka morago ga bolwetši. Ka ngwaga wa 1997, o phethile mphato wa gagwe wa marematlou, ka naletšana e tee. Ka lebaka la bodiidi bja lapa la bo, o ile a palelwa ke go tšweletša dithuto tša gagwe pele. Fela o ile a tšwetša pele, tsebo ya gagwe ya bongwadi, ka go ikopantšha, le go hlahlwa ke bangwadi ba bangwe ba go swana le bo mohu J R Maibelo, yo a go ipha nako ya go tsitsinkela tše dingwe tša dipuku tša gagwe. Lehono, mongwadi yoo, o ngwadile puku tše lesomešupa, tša sepedi, le tše pedi, tša seisimane. O ngwadile, gape, le ditshwantšetšo tša seyalemoya
