WPR Cohort: 2020
Language: Sepedi
Genre: Poetry collection
Tša maAfrika ke pukwana ya direto yeo e tletšego ka todi yeo e ka nyorelelwago ke mmadi go fihla a ineela. Yona e tletše ka mabose le mathakga mmogo le ditsikitlano tša meno a lefase le re phelago go lona. Pukwana ye e na le direto tše masomepedi ka gare gomme direto tšeo di hwetšagalago ka pukwaneng ye ke direto tša go fapana go ya le ka moo theto e ikadilego goba go farologana ka gona.
Buy on Kobo
Tshepiso Makgoloane ke sereti, mohlokodi wa diphure dingwalong, mmadišiši gape ke mongwadi yeo a belegetšwego motseng wa Patantshwane, seleteng sa gaSekhukhune ka la 16 Janaware 1997. O thomile dithuto tša gagwe sekolong sa tlase sa Patantshwane moo a ilego a tsena gape le sekolo se sengwe sa tlase sa Mafato ka Motetema, e lego moo a dulago gona gabjale. Yena o tšwetse pele ka dithuto sekolong se phagamego sa Leokeng moo a phethilego mphato wa marematlou. Ga bjale, o ithutela tša molao (LLB degree) Yunibesithing ya Afrika Borwa. Yena ke mongwadi wa go rata go ngwala ka leleme la letswele e lego Sepedi gomme o thomile go ngwala ka ngwaga wa 2014 ge a sa le sekolong. Tše dingwe tša direto tša gagwe di gatišitšwe ka mokgobong wa pukutheto ya The Sol Plaatjie European Union Poetry Anthology Vill(2018) le X(2021), mola le puku ya gagwe ya direto e amogetšwe ke National Library of South Africa gore e gatišwe ka tlase ga Community Publishing Grant. Tshepiso ke mongwadi gare ga bangwadi ba lesometee bao ba thopilego sefoka go WPR (WritePublishRead) self publishing programme gomme bjalo ka bangwe o kgethilwe le go fiwa monyetla ke Via Afrika go ka gatiša puku ya gagwe bjalo ka eBook. Pukutheto ye ya Tša Maafrika e thopile mogopo wa South African Literary Awards le wa African Honoree Authors' Award.
